CLAUSURA BIBLIOTECA

Co curso a piques de rematar temos a clausura da biblio preparada. Haberá agasallos para os alumnos e alumnas máis lectoras e poñeremos o broche final cunha obra de teatro en inglés preparada por Dani (teacher) e alumnos e alumnas do centro. 

Letras Galegas en Polos Creativos

Dende a biblioteca preparamos unha actividade cos robots MATATALAB E BEE BOT. Todo o alumnado tivo a oportunidade de pasar por alí e investigar sobre Begoña Caamaño para superar as preguntas, chegar á meta e abrir o cofre do tesouro. 

BIBLIOTECA NA NATUREZA

 Coa chegada do bo tempo decidimos sacar cada día durante os recreos un anaquiño da biblio para a zona de campo que temos dentro do noso recinto. Libros, pinturas e papeis, imanix,... están sendo desfrutados no exterior. Ao alumnado parece que lle gusta a idea. 

LETRAS GALEGAS: O NOSO PRIMEIRO PROGRAMA DE RADIO

 O Equipo de Normalización da Lingua Galega puxo en marcha unha gran proposta para celebrar a homenaxe a Begoña Caamaño (a escritora á que se lle adican as Letras Galegas neste 2026): GRAVAR O NOSO PRIMEIRO PROGRAMA DE RADIO.

Un grupo de docentes do claustro formamos un PFPP co obxectivo de aprender a facer radio. Cando chegou o mes de maio estabamos preparados para poñer en marcha a ONDA PONDALIÑA, A RADIO DOS PONDALIÑOS. 

Deixámosvos aquí un enlace para que o escoitedes:

https://boxabalar.edu.xunta.gal/index.php/s/i8MBdggenjyXXCz?dir=/&editing=false&openfile=true

VÍDEO DÍA DO LIBRO 2026

 O pasado 23 de abril celebramos no cole o Día do Libro coa actividade "MADRIÑAS E PADRIÑOS LECTORES". Mentres se realizaba dita actividade o alumnado de 6º era o encargado de facer vídeos (coas tablets existentes na aula de Polos Creativos) para inmortalizar o momento. 

Aquí vos deixamos un vídeo que montamos con todo o que eles e elas gravaron. Moitas grazas ao alumnado de 6º xa que sen o seu esforzo isto non sería posible. 

 Pinchade no enlace e poderedes ver o bo traballo que fixeron: 

https://drive.google.com/file/d/1GSLiSVUtv7RNDp_aSHItjxZEnQUUtPkS/view?usp=drive_link

 

 

FAMILIAS CONTACONTOS

 Como xa anunciamos nun Nuba Noticias tivemos a sorte que durante o mes de abril 6 familias se mostraron voluntarias para contar contos na nosa biblioteca. 

Aquí vos deixamos unhas fotiños para o recordo onde se pode ver o que lles gusta ás nosas cativas e cativos que lles conten contos. 

Gracias familias!! Sen vós non houbese sido posible ❤️.

BOOKTUBERS 4ºB LIBROS EN INGLÉS

 

BOOKTUBERS 4ºA LIBROS EN INGLÉS

 

ENCONTRO CUNHA ESCRITORA

 O alumnado de terceiro e cuarto leu os libros "Patio de luces" e "Esta é a miña historia e terás que crela" da escritora Érica Esmorís. A raíz destas lecturas, a semana pasada tiveron unha charla con ela. 

BOOKTUBER - Bruno 3°B

 

BOOKTUBER - Mariña 3°B

 

LETRAS GALEGAS 2026

 Xa estamos ás portas do mes de maio, o mes das Letras Galegas. Na biblioteca A Rumorosa preparámoslle un recuncho á autora homenaxeada, Begoña Caamaño.

Doazón de libros!!

 O Servizo de Normalización Lingüística do Concello de Ponteceso fíxonos unha doazón de 8 libros. Moitísimas grazas!!

NOVIDADES EN ABRIL

 E que mellor forma de despedir o mes de abril, ese no que se celebra o Día do Libro, que cunha chea de novidades!!

DÍA DO LIBRO

 Hoxe levamos a cabo unha actividade que xa case podemos dicir que é unha tradición no noso cole: APADRIÑAMENTOS E AMADRIÑAMENTOS LECTORES. 

O alumnado maior do centro leulle contos ao alumnado máis miúdo. Mentres isto sucedía o alumnado de sexto tivo a función de ser reporteiros e reporteiras e co material de Polos Creativos inmortalizar o momento con vídeos.

Ademais, tamén puxemos a traballar a cortadora láser que temos en Polos para facer un agasallo para toda a cativada: uns imáns coa imaxe da nosa mascota, Nuba. 

Agora queda montar o vídeo con todas as imaxes recollidas. Cando o traballo estea feito subirémolo para que todos o poidades ver. 

EXPOSICIÓN ITINERANTE

 Durante uns días contamos cunha exposición cedida pola Asociación Visibles. Grazas un ano máis pola colaboración desta asociación co noso centro. 

SEMANA DO LIBRO 2026

 A partir do luns 20 e ata o martes 28 de abril estaremos de festa celebrando a Semana do Libro. Temos a sorte de que 6 familias do centro se mostraron voluntarias para contar contos na nosa biblioteca.

Seguindo co tema do proxecto de centro deste curso, OS ANIMAIS, todos os contos elixidos están protagonizados polos mesmos.

MOITAS GRACIAS FAMILIAS!! Sen vós isto non sería posible 💜

CARTAS PARA O SÁHARA

 No mes de xaneiro o alumnado do noso cole escribiu unhas cartas moi especiais. Unhas cartas dirixidas a nenos e nenas que viven en campos de refuxiados do Sáhara. 

A asociación Morriña Saharaui fixo unha viaxe solidaria no mes de febreiro e levaron as nosas cartas.

No mes de marzo chegou a sorpresa, xa que dous representantes de dita asociación viñeron polo cole explicarnos o que fixeran durante a súa estancia no Sáhara e ademais trouxeron para cada neno e nena do cole unha carta de resposta. 

Tamén tivemos a sorte de ver de cerca traxes típicos do Sáhara e incluso houbo quen os probou. 

Esperamos poder volver a colaborar con eles en vindeiras ocasións.