VÍDEO DÍA DO LIBRO 2026

 O pasado 23 de abril celebramos no cole o Día do Libro coa actividade "MADRIÑAS E PADRIÑOS LECTORES". Mentres se realizaba dita actividade o alumnado de 6º era o encargado de facer vídeos (coas tablets existentes na aula de Polos Creativos) para inmortalizar o momento. 

Aquí vos deixamos un vídeo que montamos con todo o que eles e elas gravaron. Moitas grazas ao alumnado de 6º xa que sen o seu esforzo isto non sería posible. 

 Pinchade no enlace e poderedes ver o bo traballo que fixeron: 

https://drive.google.com/file/d/1GSLiSVUtv7RNDp_aSHItjxZEnQUUtPkS/view?usp=drive_link

 

 

FAMILIAS CONTACONTOS

 Como xa anunciamos nun Nuba Noticias tivemos a sorte que durante o mes de abril 6 familias se mostraron voluntarias para contar contos na nosa biblioteca. 

Aquí vos deixamos unhas fotiños para o recordo onde se pode ver o que lles gusta ás nosas cativas e cativos que lles conten contos. 

Gracias familias!! Sen vós non houbese sido posible ❤️.

BOOKTUBERS 4ºB LIBROS EN INGLÉS

 

BOOKTUBERS 4ºA LIBROS EN INGLÉS

 

ENCONTRO CUNHA ESCRITORA

 O alumnado de terceiro e cuarto leu os libros "Patio de luces" e "Esta é a miña historia e terás que crela" da escritora Érica Esmorís. A raíz destas lecturas, a semana pasada tiveron unha charla con ela. 

BOOKTUBER - Bruno 3°B

 

BOOKTUBER - Mariña 3°B

 

LETRAS GALEGAS 2026

 Xa estamos ás portas do mes de maio, o mes das Letras Galegas. Na biblioteca A Rumorosa preparámoslle un recuncho á autora homenaxeada, Begoña Caamaño.

Doazón de libros!!

 O Servizo de Normalización Lingüística do Concello de Ponteceso fíxonos unha doazón de 8 libros. Moitísimas grazas!!

NOVIDADES EN ABRIL

 E que mellor forma de despedir o mes de abril, ese no que se celebra o Día do Libro, que cunha chea de novidades!!

DÍA DO LIBRO

 Hoxe levamos a cabo unha actividade que xa case podemos dicir que é unha tradición no noso cole: APADRIÑAMENTOS E AMADRIÑAMENTOS LECTORES. 

O alumnado maior do centro leulle contos ao alumnado máis miúdo. Mentres isto sucedía o alumnado de sexto tivo a función de ser reporteiros e reporteiras e co material de Polos Creativos inmortalizar o momento con vídeos.

Ademais, tamén puxemos a traballar a cortadora láser que temos en Polos para facer un agasallo para toda a cativada: uns imáns coa imaxe da nosa mascota, Nuba. 

Agora queda montar o vídeo con todas as imaxes recollidas. Cando o traballo estea feito subirémolo para que todos o poidades ver. 

EXPOSICIÓN ITINERANTE

 Durante uns días contamos cunha exposición cedida pola Asociación Visibles. Grazas un ano máis pola colaboración desta asociación co noso centro. 

SEMANA DO LIBRO 2026

 A partir do luns 20 e ata o martes 28 de abril estaremos de festa celebrando a Semana do Libro. Temos a sorte de que 6 familias do centro se mostraron voluntarias para contar contos na nosa biblioteca.

Seguindo co tema do proxecto de centro deste curso, OS ANIMAIS, todos os contos elixidos están protagonizados polos mesmos.

MOITAS GRACIAS FAMILIAS!! Sen vós isto non sería posible 💜

CARTAS PARA O SÁHARA

 No mes de xaneiro o alumnado do noso cole escribiu unhas cartas moi especiais. Unhas cartas dirixidas a nenos e nenas que viven en campos de refuxiados do Sáhara. 

A asociación Morriña Saharaui fixo unha viaxe solidaria no mes de febreiro e levaron as nosas cartas.

No mes de marzo chegou a sorpresa, xa que dous representantes de dita asociación viñeron polo cole explicarnos o que fixeran durante a súa estancia no Sáhara e ademais trouxeron para cada neno e nena do cole unha carta de resposta. 

Tamén tivemos a sorte de ver de cerca traxes típicos do Sáhara e incluso houbo quen os probou. 

Esperamos poder volver a colaborar con eles en vindeiras ocasións. 

BOOKTUBER - Noa, Pablo Vigueret, Héctor e Oumayma de 5°A

 

CONCERTO PACO NOGUEIRAS

 Para pechar a 2ª AVALIACIÓN e darlle os últimos toques ao Proxecto do Centro deste curso: "OS ANIMAIS", tivemos a Paco Nogueiras en concerto co seu espectáculo SON ANIMAL.  Ademais, Paco firmounos o exemplar do seu libro disco que temos na biblioteca.

Aquí vos deixamos fotos e vídeos que mostran o ben que o pasamos. 

DÍA DA MULLER E SEMANA DA PRENSA 2026

O Equipo de Convivencia e o Equipo de Biblioteca xuntáronse para conmemorar dúas datas importantes. A idea final foi crear unha revista coa colaboración de todas as titorías chamada Pondal Geographic. Esta revista continúa co Proxecto de Centro: "OS ANIMAIS". Nesta ocasión o alumnado tivo que investigar diferentes mulleres importantes na historia pola súa labor na protección e conservación de diversos animais. 

 

A revista en papel está á disposición de quen desexe lela no estante de PRODUCIÓNS PROPIAS que temos na nosa biblioteca.  

 

Dálle ao PLAY e desfruta do traballo realizado entre todos e todas.  

 

 

 

 

BOOKTUBER - Bella 4ºB

 

BOOKTUBER - Dylan 4°B

 

BOOKTUBER - Paula 4°B

O PRIMEIRO BOOKTUBER

Chega o primeiro Booktuber da man dos nenos e nenas de 3 anos. 

Bótalle un ollo e descubre todos os contos que viron sobre o mar!

E ti, anímaste a ser un booktuber?

Escolle un libro que leras e che guste, fai un vídeo recomendando ese libro (recorda non facer spoilers) e colgarémolo aquí, no blog da biblioteca.

 

BUSCANDO BOOKTUBERS

 Coa intención de fomentar a lectura poñemos en marcha unha nova iniciativa. Buscamos nenas e nenos que queiran ser booktubers e recomendar as lecturas que máis lle gusten aos seus compañeiros e compañeiras. 

Subiremos os vídeos ao noso blog! Estade moi atentos e atentas!

CARTELERÍA BIBLIOTECA

 O equipo de mestres que nos encargamos da xestión e organización da biblioteca seguimos a fedellar coas máquinas que temos na Aula de Polos Creativos. Nesta ocasión elaboramos en madeira carteis para as diferentes seccións da biblio. 

Así nos quedaron...