OBRA DE TEATRO "NADAL EN PRÁCTICAS"

 

 

 

Para despedir a 1ª avaliación e darlle a benvida ás vacacións 

asistimos a unha obra de teatro a cargo de 

Noelia Porto de Lalá Teatro. 

Rematamos a actuación obtendo todos o 

CERTIFICADO OFICIAL DE AXUDANTE DE ELFO

 

 

 

  

 

 

 

 

 

 

 

 

 

PROXECCIÓN PELÍCULA "VALENTINA"

Este xoves tivemos sesión de cine na biblioteca. O Equipo de Dinamización da Lingua Galega seleccionou unha marabillosa película chamada VALENTINA. Esta película é en galego e producida en Galicia, e proxectámola co obxectivo de poñer en valor o noso audiovisual. A súa protagonista ensinounos como afrontar a perda dun familiar, ademais de ensinarnos a aceptarnos a nós mesmos e a loitar polos nosos soños. 

        

    

   

 

 

Contacontos en inglés

Esta semana tivemos dous recreos con contacontos en inglés. Dani, o profe de inglés, e mais o alumnado de 4°A prepararon os seguintes contos:

Día Internacional das Persoas con Discapacidade

Hoxe, 3 de decembro, conmemórase o Día Internacional das Persoas con Discapacidade. Por iso, hoxe tivemos unha invitada especial: á mamá de Daniela, quen nos veu contar un conto sobre o Síndrome de Rett.

Como vedes nas imaxes, este tema xerou moitísima curiosidade, a que derivou nunha chea de preguntas!

Teatro polo 25 N

 

Hoxe tivemos unha obra de teatro relacionada co 25 N, Día Internacional contra a Violencia de Xénero.

A través da historia de Jaime, o protagonista da obra, vimos que é importante que, tanto homes como mulleres, reciban o mesmo trato e respecto e que non existen deportes de nenos e deportes de nenas, nin cores de nenos e cores de nenas, nin xoguetes de nenos e xoguetes de nenas... e que se eres unha nena podes xogar ao fútbol e se eres un neno pódeche gustar a patinaxe.

Visita de Anxo Moure

 

O pasado venres, día 28 de novembro, tivemos a visita de Anxo Moure na Biblioteca a Rumorosa. A raíz dos incencios sufridos este ano nos nosos montes, o Equipo de Convivencia do centro organizou esta actividade para abordar a importancia do coidado da natureza.

Botádelle unha ollada ás fotografías!

 

Bibliotecas Escolaeres + Deseño = Viaxe á Creatividade

Como vos adiantábamos na entrada anterior, baixo o tema "Bibliotecas Escolaeres + Deseño = Viaxe á Creatividade", o alumnado de Educación Infantil foi o encargado de realizar o cartel para a sección do mes de novembro. 

Velaquí as imaxes do obradoiro.

 

 

 

Novembro en favor da CIENCIA e en contra da VIOLENCIA DE XÉNERO

Dende a Consellería de Cultura, Lingua e Xuventude promóvese a celebración de novembro como o Mes da Ciencia en Galego nas Bibliotecas. Ademais, como todos sabedes, neste mes tamén temos a conmemoración do Día Internacional contra a Violencia de Xénero. 

Por todo isto, dende a Biblioteca A Rumorosa, montamos unha pequena exposición de libros sobre ambas temáticas co lema: NOVEMBRO EN FAVOR DA CIENCIA E EN CONTRA DA VIOLENCIA.

Unha mención especial ao alumnado de Educación Infantil que, baixo o tema "Bibliotecas Escolaeres + Deseño = Viaxe á Creatividade" das Bibliotecas Escolares deste ano, crearon este cartel para a sección.

Novos libros para a biblioteca!

Seguindo coa temática do proxecto deste ano, os ANIMAIS, temos 96 libros novos na nosa biblioteca! 

34 libros de información e 62 libros de narrativa. Pásate pola biblioteca e bótalle un ollo!

 

Lecturas de Samaín

Dende hoxe na biblioteca podes atopar unha exposición de libros sobre bruxas, pantasmas, monstros... clasificados por idade.

Pásate por alí e leva un libro ou conto para ler nestes días terroríficamente divertidos!

 

Novos voluntari@s da biblioteca

Como todos os cursos, xa temos os axudantes de biblio traballando durante os recreos. Ademais, a partires de hoxe, contarán co seu cartel identificativo para que todos os nenos e nenas que precisen axuda os poidan localizar facilmente.

Gracias pola colaboración a tod@s os voluntari@s!

 

Arrancamos... NOVAS ESTANTERÍAS e posta en marcha das MOCHILAS VIAXEIRAS!

BIBLIOTECA A RUMOROSA ABERTA!

Xa podedes visitar a nosa biblio nos recreos ou polas tardes.

Ademais, xa están colocadas en cada corredor as estanterías con libros para a Hora de Ler.

  

 

Hoxe tamén saíron as Mochilas Viaxeiras que, como cada curso, irán  rotando por cada familia ao longo do curso.

NUBA NOTICIAS - Búscanse voluntari@s!

 

Xa estamos de volta!

 

Curso 2024 -2025

Recomendacións lectoras para o verán!

Clausura da biblioteca

Chegou a recta final...

Este venres, 13 de xuño, pechamos a biblioteca ata setembro! Na hora de ler realizaremos un pequeno acto de clausura para despedir a biblioteca como se merece... Ademais, haberá unha pequena sorpresa para aqueles nenos e nenas máis lectores/as e para os axudantes voluntarios de 6°EP.

Ata setembro!