O profesorado do centro está levando a cabo unha serie de formacións enmarcadas dentro do Plan de Formación Permanente do Profesorado.
Gracias a estas formacións de Polos Creativos, estamos elaborando material para a biblioteca. Que vos parecen estas novas marionetas?
Hoxe inaugurouse a Mesa Lego na biblioteca e foi todo un éxito!
A outra exposición temporal solicitada polo Equipo de Convivencia á Asociación Visibles é unha pequena biblioteca itinerante titulada "A viaxe con-sentido": unha colección de 50 libros e contos que abordan diversas temáticas relacionadas coa educación afectivo-sexual.
O Equipo de Convivencia do centro solicitou varios empréstitos á Asociación Visibles. Un deles é unha exposición foto-biográfica titulada "Sen elas non hai... olería" e que estará dispoñíbel na nosa biblioteca ata o 4 de abril.
Esta pequena exposición está relacionada coa conmemoración do 8M e dá a coñecer a seis oleiras de Buño, moi importantes pola labor levada a cabo na olería.
Para celebrar a semana do teatro, o Equipo de Biblioteca organizou tres días de teatro na biblio.
Durante os recreos do mércores, xoves e venres da semana pasada, algúns dos alumnos e alumnas de 6ºEP prepararon uns kamishibais que contaron diante de todos os compañeiros e compañeiras que visitaron a biblioteca esos días.
Bótalle un ollo ás imaxes!
Durante a Semana da Prensa (do 10 de marzo ao 14 de marzo) cada aula foi a encargada de elaborar unha páxina da segunda edición do xornal "Se non o leo... non o creo!".
Bótalle un ollo!
A principios de curso solicitáronse tres maletas viaxeiras á Asesoría de Bibliotecas Escolares. O primeiro préstamo chegou o martes 15 de outubro, e puidemos telo durante 28 días.
Esa maleta conta con material moi variado relacionado coa CIENCIA.
E agora... xa temos connosco a segunda maleta viaxeira!
Este trimestre, dispoñemos dunha maleta chea de recursos de Banda Deseñada.
A pasada semana recibimos a visita de exalumnos e exalumnas que xa están no instituto. Viñeron realizar un contacontos para os máis pequenos do cole: Educación Infantil e 1º e 2º de Educación Primaria.
Ademais diso, tamén nos agasallaron cun exemplar do conto "A que sabe a lúa?".
Quedamos encantados/as!
Este mes temos unha pequena exposición adicada a Rosalía de Castro e a Eduardo Pondal para consultar e ler nas aulas.
Hoxe Nuba chegou cargadiña de novidades! Moitas delas suxerencias que fixeron os nenos e nenas do cole. Bótalle un ollo ó estante!
Xa temos dispoñible na nosa biblioteca unha pequena exposición de libros relacionados coa conmemoración do Dia Escolar da Non Violencia e da Paz que se celebra o próximo 30 de xaneiro.
Durante esta semana invitamos a todo o alumnado a visitar a biblioteca durante os recreos para desfrutar dunha pequena sesión de cine onde coñeceremos varias curtametraxes:
Xa temos dispoñible na biblioteca unha selección de libros relacionados co 25N, Día Internacional contra a violencia de xénero.
Este curso o tema do centro xira arredor das tradicións galegas. Seguindo con esta temática, dende a biblioteca, vaise realizar unha decoración permanente que se prolongará ao longo de todo o curso. Para isto, imos dedicar a decoración de cada ventá a cada unha das tradicións galegas máis relevantes.
Durante este primeiro trimestre xa decoramos as ventás do Samaín, do Magosto e do Nadal. Que che parecen?
.jpg)
.jpg)
.jpg)
.jpg)
Xa temos nos corredores unha selección de libros relacionados co Samaín para poder desfrutar durante a media hora de lectura.
Ademais, o Equipo de Dinamización da Lingua Galega organizou, en colaboración co alumnado de 6ºEP, uns contacontos de Samaín. Ao longo desta semana, todas as aulas foron pasando, durante a hora de lectura, pola nosa biblioteca.
.jpg)
.jpg)
.jpg)
Dende a Biblioteca A Rumorosa buscamos novas suxerencias! Poñemos a vosa disposición un buzón para que nos rescomendes novos libros (ou novas temáticas) que che gustaría ter na nosa biblioteca.
Seguro que xa tes algún pensado! Cubre o papel e entrégao no buzón que atoparás na bilio.
Na Biblioteca A Rumorosa tamén contamos cunha sección de prensa con xornais e revistas infantís. Ademais, a partires deste curso, tamén contaremos con exemplares diarios de La Voz de Galicia por participar no programa Prensa Escola.
Xa estamos de volta!
Hoxe, 1 de outubro, arrancamos de novo coa Biblioteca A Rumorosa. E non podía ser de mellor forma que con un novo look: un mural de Leandro Lamas que viste toda a parede da nosa biblioteca. Recórdavos a algo? Bótalle un ollo á imaxe.
Ademais de abrir as portas da biblio para desfrutar dela nos recreos e despois do comedor, poder consultar e levar libros..., tamén comezamos coas mochilas viaxeiras!
.jpg)