Febreiro mes de Rosalía e Eduardo Pondal

Este mes temos unha pequena exposición adicada a Rosalía de Castro e a Eduardo Pondal para consultar e ler nas aulas.

 

Novidades de febreiro

 

Hoxe Nuba chegou cargadiña de novidades! Moitas delas suxerencias que fixeron os nenos e nenas do cole. Bótalle un ollo ó estante!

Estanterías renovadas!

 

A partires de hoxe todos os nen@s poderán coller, durante a media hora de ler, novos libros das estanterías móbiles.

Día Escolar da Non Violencia e da Paz

 

Xa temos dispoñible na nosa biblioteca unha pequena exposición de libros relacionados coa conmemoración do Dia Escolar da Non Violencia e da Paz que se celebra o próximo 30 de xaneiro.

3 de decembro - Día Internacional das Persoas con Discapacidade

 

Durante esta semana invitamos a todo o alumnado a visitar a biblioteca durante os recreos para desfrutar dunha pequena sesión de cine onde coñeceremos varias curtametraxes:

• Luns 2: Diego
• Martes 3: Ían
• Mércores 4: Tamara
• Xoves 5: The present

Pica en cada enlace para ver a curtametraxe!

25 N

 

Xa temos dispoñible na biblioteca unha selección de libros relacionados co 25N, Día Internacional contra a violencia de xénero.

As tradicións galegas

 

Este curso o tema do centro xira arredor das tradicións galegas. Seguindo con esta temática, dende a biblioteca, vaise realizar unha decoración permanente que se prolongará ao longo de todo o curso. Para isto, imos dedicar a decoración de cada ventá a cada unha das tradicións galegas máis relevantes.

Durante este primeiro trimestre xa decoramos as ventás do Samaín, do Magosto e do Nadal. Que che parecen?

 

 

Novidades do mes de novembro

 

Lecturas e Contacontos polo Samaín

Xa temos nos corredores unha selección de libros relacionados co Samaín para poder desfrutar durante a media hora de lectura.

  

Ademais, o Equipo de Dinamización da Lingua Galega organizou, en colaboración co alumnado de 6ºEP, uns contacontos de Samaín.  Ao longo desta semana, todas as aulas foron pasando, durante a hora de lectura, pola nosa biblioteca.

Buzón de suxerencias

 

Dende a Biblioteca A Rumorosa buscamos novas suxerencias! Poñemos a vosa disposición un buzón para que nos rescomendes novos libros (ou novas temáticas) que che gustaría ter na nosa biblioteca. 

Seguro que xa tes algún pensado! Cubre o papel e entrégao no buzón que atoparás na bilio.

Sección de Prensa

 

Na Biblioteca A Rumorosa tamén contamos cunha sección de prensa con xornais e revistas infantís. Ademais, a partires deste curso, tamén contaremos con exemplares diarios de La Voz de Galicia por participar no programa Prensa Escola.

XA ESTAMOS DE VOLTA! Reapertura da Biblioteca curso 2024-2025

Xa estamos de volta!

Hoxe, 1 de outubro, arrancamos de novo coa Biblioteca A Rumorosa. E non podía ser de mellor forma que con un novo look: un mural de Leandro Lamas que viste toda a parede da nosa biblioteca. Recórdavos a algo? Bótalle un ollo á imaxe.

Ademais de abrir as portas da biblio para desfrutar dela nos recreos e despois do comedor, poder consultar e levar libros..., tamén comezamos coas mochilas viaxeiras!

 

CURSO 2023 - 2024

Recomendacións lectoras para o verán

 

Tanto o Equipo de Biblioteca como o Equipo de Dinamización da Lingua Galega non nos queriamos despedir sen antes deixarvos unhas recomendacións lectoras para o verán.

Botádelle unha ollada!

Clausura da Biblioteca

Co remate do curso pechamos a nosa biblioteca ata setembro. Para iso, realizamos un acto de clausura onde agasallamos ás aulas máis lectoras e ao alumnado máis lector. 

Dende o Equipo de Biblioteca queremos agradecer a todo o alumnado e profesorado a gran acollida que tivo a nova Biblioteca A Rumorosa. 

Bo verán! Vémonos á volta!

23 de abril - Día do Libro

 

Para conmemorar o Día do Libro levamos a cabo unha actividade lectora ao aire libre onde, cada neno/a de Educación Infantil e primeiro ciclo de primaria, tiña un padriño ou madriña lectora.

Botádelle un ollo ás imaxes!

 

Semana do Libro

Para conmemorar a Semana do Libro (do 22 ao 26 de abril) organizáronse uns contacontos que se levarán a cabo durante os recreos desta semana.

Dende a Biblioteca A Rumorosa queremos agradecer a participación das familias colaboradoras.

Formación de usuarios

 

Todo listo!

Ao longo destos días, todo o alumnado pasará pola biblioteca A Rumorosa para converterse en investigadores e investigadoras a través dun xogo de pistas que lles axudará a coñecer un pouco máis o seu funcionamento.

Comezamos coa formación de usuarios!

Semana da Prensa

Aquí temos o xornal creado por todas as aulas do centro: Se non o leo, non o creo!

Pola semana da prensa cada aula elaborou unha páxina deste xornal tan curioso e divertido.

Botádelle unha ollada! Pincha no enlace inferior e pasa as páxinas.

Pica neste enlace para ver o xornal

Regalo da Asesoría de Bibliotecas Escolares

Dende a Biblioteca A Rumorosa queremos facerlle chegar o noso agradecemento á asesora de Bibliotecas Escolares por acompañarnos o día da inauguración e tamén polo detalle que tivo con nós ao agasallarnos con estes tres libros.

Pouco a pouco imos enchendo os nosos andeis!